Presidenti i Italisë i ka kërkuar ish-kreut të Bankës Qendrore Evropiane, Mario Draghi, të formojë një qeveri të re pasi koalicioni i mëparshëm u prish.
Presidenti Sergio Mattarella tha se Italia kishte nevojë për një “qeveri të profilit të lartë” për të trajtuar pandeminë Covid-19 dhe krizën më të keqe ekonomike në dekada.
Politikanët dështuan të bien dakord për një koalicion pas dorëheqjes së kryeministrit Giuseppe Conte javën e kaluar.
Draghi tani do të duhet të paraqesë një administratë që udhëheqësit në parlament e mbështesin.
Ai u ftua në pallatin historik të Romës “Quirinale” të mërkurën nga presidenti Mattarella, i cili i dha Draghit një mandat dhe tha se shpresonte që ai të thyejë bllokimin parlamentar.