Presidenti i Partisë Popullore të Serbisë, Vuk Jeremiq beson se presidenti serb, Aleksandar Vuçiq nuk duhet të lejohet të arrijë një marrëveshje me Prishtinën për demarkacionin, sepse ajo do ta “kapitalizojë” atë politikisht.

Nëse lejohet një gjë e tillë, Vuçiq do të vendos raporte me një pjesë të rëndësishme të bashkësisë ndërkombëtare që, sipas Jeremiqit, do ta pamundësojë plotësisht zëvendësimin e qeverisë së tanishme.

Sipas tij, Serbia duhet të jetë një vend i rregulluar në mënyrë demokratike dhe një qendër tregtare e Evropës Juglindore.