Kastrati mburret me organizimin e procesit të vaksinimit në Kamenicë: Qytetarët s’i kanë fajet

Kryetari i Kamenicës, Qendron Kastrati, tha se për tollovinë e krijuar në sallën “1 Tetori”, nuk duhet fajësuar qytetarët por keq organizimin për procesin e vaksinimit.

Kastrati thotë se në QKMF në Kamenicë nuk është krijuar një problem i tillë për shkak të mirë menaxhimit.

“Qytetarët s’i kanë fajet. Kështu duket procesi i vaksinimit në QKMF në Kamenicë, pa pasë nevojë ta kopjojmë Tiranën”.

“I kemi organizuar listat e qytetarëve në bazë të moshës. I kemi kontaktuar disa herë. E kemi specifikuar drejt orarin e vaksinimit, dhe i kemi pritur të organizuar.

Është kaq e thjeshtë!”, ka shkruar ai.