Vrasja e Armenda Aliut – Velija, pati tronditur vitin e kaluar Prizrenin. Ajo u vra me 15 plumba nga bashkëshorti i saj, Bajram Velija.

Çifti Velija morën rrugë nga Zvicra për në Prizren, gjatë muajit korrik.

Një zënkë e ashpër përfundoi me tragjedi.

Kjo vrasje llogaritet më e rënda që ndodhi vitin e kaluar në Prizren.

Zëdhënësi i Policisë në Prizren, Shaban Osmanollaj tregon se vitin e kaluar në regjionin e Prizrenit janë shënuar vetëm katër vrasje.

Dy vrasje në Prizren, kurse dy të tjera në Suharekë.

Vrasja e dytë në Prizren, pati ndodhur me një foshnje.

Një nënë ishte arrestuar për mbytjen e saj.

Dy vrasje, vitin e kaluar, patën tronditur edhe Suharekën.

Një polic i SHPK-së vrau punëtorin në kazino.

Vrasja tjetër brenda 24 orëve ndodhi në fshatin Studenqan.

Vëllai vrau vëllain, për çështje pronësore.

“ Policia ka arritur të identifikojë dhe arrestojë autorët e këtyre vrasjave”, tha Osmanollaj, shkruan PrizrenPress.

Sipas tij, me përjashtim të këtyre vrasjeve, situata e sigurisë në regjionin e Prizrenit ka qenë e qetë.

“ Viti 2019-të për këtë regjion, ka qenë më i suksesshmi gjatë 10 fiteve të fundit “, tha ai.

Ai, tha se gjatë këtij viti janë konfiskuar 160 armë.