Drejtoria për Urbanizëm ka përfunduar takimet e planifikuara me qytetarë në bashkësitë lokale në qytetin e Pejës, në kuadër të procesit të hartimit të hartave zonale të Komunës dhe të Planit Zhvillimor Komunal, shkruan sot “Koha Ditore”.

Në këto takime urbanistët e Komunës janë mbështetur edhe nga ekspertët e organizatës gjermane për bashkëpunim ndërkombëtarë GIZ, e cila po zbaton projektin e fuqizimit të planifikimit hapësinor dhe të menaxhimit të tokave, që po financohet nga Ministria gjermane për Zhvillim dhe Bashkëpunim.

Në tetë takime të mbajtura publike në lokalitetet urbane, qytetarët kanë shprehur vizionet e tyre se si ata e shohin zhvillimin urban të qytetit.

Në të gjitha bashkësitë lokale janë dëgjuar më së tepërmi kërkesat e njëjta për ndërtime të objekteve për banim kolektiv.