Presidentja e Komisionit Evropian, Ursula von der Leyen, gjatë një konference për gazetarë i ka theksuar tri kritere për largimin e masave të izolimit nga shtetet.

Ajo tha se vendet anëtare të Bashkimit Evropian duhet t’i marrin parasysh shifrat e rasteve të infektimeve, kapacitetet e sistemeve shëndetësore dhe nivelin e testimit të mundshëm para se t’i largojnë masat kufizuese, që do të mund të sillte rritje të numrit të rasteve.

Ajo gjithashtu tha se plani i Komisionit Evropian nuk duhet të shihet si sinjal që vendet duhet ta fillojnë largimin e masave të izolimit tani, shkruan “The Guardian”.