Policia dhe prokuroria slovene mësohet se po hetojnë kompaninë GEN, ndërsa ndër personat përgjegjës thuhet se është edhe njeriu i parë shumëvjeçar i kompanisë Robert Golob, shkruan sot Mladina.

Kjo mund të jetë arsyeja kryesore për përfshirjen e pretenduar të Golobit në punën e policisë dhe largimin e ministres së Brendshme Tatjana Bobnar. Golob tha në konferencën për shtyp se nuk ishte në dijeni për fillimin e një hetimi kundër tij.

“Jo zyrtarisht mësuam se policët nën udhëheqjen e prokurorisë së specializuar të shtetit po mbledhin informacione në lidhje me akuzat që dolën në opinion para zgjedhjeve parlamentare, përkatësisht në lidhje me operacionet e supozuara të diskutueshme të firmës vartëse GEN nga Beogradi. Këto para thuhet se bazohet në kontratat e konsulencës me një kompani në Mal të Zi”, thotë Mladina. Sipas informacioneve të saj, duhet të shqyrtohen edhe planet për privatizimin e pjesshëm të kompanisë GEN, përcjell Nacionale.

Kujtojmë se mediat sllovene e kishin zbuluar një skandal të madh financiar, ku është i përfshirë Robert Golob, kryetar i Partisë së Lirisë. Në këtë aferë, ku dyshohet për shpëlarje parash, duket që është përfshirë edhe ambasadori i Kosovës në Kroaci, Martin Berishaj, i cili ka qenë edhe anëtar i kryesisë së Vetëvendosjes, ku mediat sllovene tregojnë që i ka bartur në para kesh rreth 600 mijë euro nga kompania e tij në Mal të Zi për tek politikani slloven.

Informacioni për operacionet e GEN u mblodh pak para zgjedhjeve të 24 prillit nga ish-drejtori i Zyrës për Parandalimin e Pastrimit të Parave Damijan Yugelj, i cili përndryshe është shumë i afërt me ish-kryeministrin Janez Jansha, kujton Mladina dhe shton se me shumë gjasa këtë informacion ia ka dërguar policisë.

Në varësi të organizimit të policisë, sipas të përjavshmes, rasti mund të hetohej vetëm nga Zyra e Hetimit Kombëtar ose Drejtoria e Policisë së Nova Goricës, ku përfshihet selia e kompanisë GEN dhe rezidenca e përhershme e Robert Golob.

Administrata policore e Nova Goricës drejtohet nga Evgen Goveka, i cili sipas emërimit të tij gjatë ish-qeverisjes nën drejtimin e Janez Janshës , thuhet se është në favor të opsionit politik të djathtë. Në mes të presionit politik, Lindav dhe Bobnarjeva përmendën përpjekjet për të zëvendësuar Govekarin, i cili ndërkohë mohoi me forcë çdo lidhje me Janshën, SDS apo politikë të tjera për të përjavshmen. Ata përmendën gjithashtu përpjekjet e Golobit që ish-drejtori i Zyrës Kombëtare të Hetimit, Darko Muzenic, të kthehet sa më shpejt në këtë detyrë.

Sipas deklaratave të Bobnarjeva dhe Lindav, Golob thuhet se ka kërkuar kthimin e Muzeniçit në krye të NPU-së sa më shpejt të jetë e mundur, por se ata i kanë shpjeguar atij se kjo nuk është e mundur për shkak të procedurës para Prokurorisë Publike Evropiane. Por sipas deklaratave të tyre, Golob ka këmbëngulur për këtë dhe gjithashtu ka kërkuar që policia t’i bëjë thirrje Prokurorisë Publike Evropiane për të përshpejtuar procesin.

Golob shpjegoi për POP TV se Muzenic ishte viktimë e një akuze të rreme – ishte Zugelj ai që dyshohet se e bëri atë – në mënyrë që ai të zëvendësohej në krye të NPU. “Gjykata, jo Robert Golob, e shpalli të pafajshëm. Fillimisht gjykata sllovene dhe më pas javën e kaluar prokuroria evropiane,” tha Golob, duke mbrojtur që Muzenic duhet të kthehet në krye të NPU sepse ai beson në sundimin e ligjit.