Komuna e Prishtinës është duke realizuar projektin për nivelin e sigurisë rreth Parkut të qytetit.

Në bashkëpunim me UN Habitatin dhe UN Women, komuna e Prishtinës është duke realizuar projektin për Auditimin e Sigurisë dhe punëtorinë Bllok pas Blloku – Minecraft për intervenimet e nevojshme në lagjen rreth Parkut të Qytetit.

Sipas njoftimit të komunës, ky është një proces përmes të cilit pjesëmarrësit analizojnë karakteristikat fizike të një hapësirë publike, shprehin mendimet e tyre se si hapësirat të fjalë mund të reflektojnë pasiguri, dhe ofrojnë propozime konkrete për përmirësimin e mjedisit urban, transmeton Ekonomia Online.

Me këtë rast intervenohet në ndriçim, shenjëzim, infrastrukturë rrugore, organizim të hapësirës, mirëmbajtje dhe funksione të tjera urbane.

“Auditimi i Sigurisë bëhet përmes ecjeve në grup, në kohë të ndryshme gjatë ditës dhe natës. Thelbi i këtij aktiviteti është krijimi i një mjedisi të sigurt , sidomos për gratë dhe vajzat”, thuhet në njoftim.

Pjesë e Auditimit të Sigurisë, që bëhet më 26 dhe 27 prill, apo e punëtorisë Bllok pas Blloku – Minecraft që mbahet më 11, 12 dhe 13 maj, mund të bëheni përmes plotësimit të formularit për aplikim, në linkun: https://form.jotformeu.com/81076234318353