Në Kuvendin e Republikës së Maqedonisë sot do të mbahet konferenca e përvjetorit të parë e Ministrisë për Financa, me rastin e 2 prillit, dita kur ishte sjellë buxheti i parë i Republikës së Maqedonisë, përcjell Telegrafi Maqedoni.

Tema e konferencës është “Menaxhimi me Financat Publike dhe rritjes ekonomike – të plotësuara ose të ndryshuar”.

Fjalim do të mbajë edhe kryeminstri Zoran Zaev dhe kryetari i Kuvendit Talat Xhaferi, ndërsa fjalë falënderimi do të mbajë ministri i Financave, Dragan Tevdovski.

Në panelin e parë do të diskutohet “Ristrukturimi i mirë i buxhetit, vendosja e rregullave, rritja e transparencës”, ku folës kryesor do të jetë Linda Van Gelder nga Banka Botërore, ndërsa si panelistë janë paralajmëruar edhe kryeministri Zaev dhe ministri Tevdovski.

Në panelin e dytë të diskutimit “Sfidat e politikave financiare në Maqedoni, dikur dhe sot”, panelistë do të jenë ish-ministri i financave, akademiku Taki Fiti, Petar Goshev, Nikolla Popovski dhe Trajko Slavevski.

Buxheti i parë i Republikës së Maqedonisë është sjellë më 2 prill të viti 1992.