Vazhdon debati për regjistrimin e mërgatës – atyre që dëshirojnë të marrin pjesë në zgjedhjet e parakohshme parlamentare.

Derisa nga KQZ thonë se afati i shkurtët kohor i organizimit të zgjedhjeve u ka shkaktuar disa probleme teknike, në Institutin Demokratik të Kosovë thonë se KQZ-ja duhet që urgjentisht ta ndërrojë ligjin për zgjedhje të parakohshme që bashkatdhetarëve t’ua mundësojë që të votojnë edhe përmes ambasadave apo konsullatave në vendet ku jetojnë.

Ndërkaq, anëtari i KQZ-së nga Vetëvendosja, Adnan Rrustemi, thotë se KQZ ka dështuar në regjistrimin e mërgatës.