Kandidati për deputet nga Partia Demokratike e Kosovës (PDK), Kreshnik Sopi, ka prezantuar mesazhin e tij politik duke theksuar fokusin në zhvillimin ekonomik dhe përmirësimin e funksionimit të shtetit.

Sopi ka deklaruar se synimi i tij është një Kosovë më e mirë, me një ekonomi funksionale dhe efikase, duke vënë theksin te puna, sinqeriteti dhe dija si parime bazë të angazhimit të tij politik.

“Me punë, sinqeritet dhe dije, për një Kosovë më të mirë dhe një ekonomi funksionale e efektive,” u shpreh ai, duke shtuar se vendi ka nevojë për ndryshime të thella strukturore.

Ai ka theksuar gjithashtu se Kosova duhet të dalë nga krizat e vazhdueshme dhe të orientohet drejt zhvillimit të qëndrueshëm, duke e përmbyllur mesazhin e tij me thirrjen: “Stop krizës, ndrysho Kosovën!”