KRU “Gjakova” njofton se ekipet e kësaj kompanie, pas rreth pesë orë pune intensive, arritën të eleminojnë defektin në gypin e ujit për furnizim në fshatin Qerim të Gjakovës.

“Uji sapo është lëshuar për furnizim, keni parasysh se duhet pak kohë derisa të përshkojë gjithë rrjetin! Po ashtu u kujtojmë konsumatorëve, se kur kemi punime të tilla në gypa më të mëdhenj, në moment që uji vjen në krojet e tyre, duhet lënë që të rrjedhë, për shkak që mund të vijë i turbullt, deri në shpëlarjen e linjës”, thuhet në njoftim të Kompanisë Rajonale të Ujësjellësit “Gjakova”.