Kylie Jenner është miliarderja më e re në botë dhe është gjithmonë në qendër të vëmendjes. Së fundmi, të gjithë sytë ishin te 22-vjeçarja, për shkak të pozave të fundit që postoi në profilin e saj në “Instagram”.

Me një paruke në ngjyrë mustarde, Kylie shfaqej e veshur mjaft provokuese me një rrjetë në ngjyrë mishi që i rrinte pas trupit. Deri këtu nuk ka asnjë problem, por përshkrimi që u bëri fotove të saj nuk u prit aspak mirë.

“Gjej zjarrin tënd”, ishte përshkrimi i parë i Jenner-it, duke e shoqëruar gjithashtu edhe me emojin e zjarrit. Për ndjekësit kjo gjë nuk ishte aspak e përshtatshme, duke kujtuar se çfarë po ndodh në Australi pikërisht nga zjarri.

“Nëse ndokush ka nevojë për zjarr, mund të merrni tonin. Australia”. shkruante dikush në koment.

Pas këtyre komenteve, Kylie ka vendosur që në fotot e saj të shkruaj diçka tjetër: “Një natë jashtë”. Edhe pse përshkrimi ndryshoi, komentet në lidhje me zjarrin kanë mbetur ende.