Kim Kardashian thuhet se ka bërë kërkesë për hapjen e markës tregtare të ‘KKW Home’ në mënyrë që ajo të fillojë një linjë të re të produkteve shtëpiake.

Ylli i i serialit “Keeping Up With The Kardashians”, 39 vjeçare, thuhet se është e etur të nisë një gamë në dyqanet që specializohen në artikuj e dushit dhe banjës, si dhe një sërë orendish për dhomat e gjumi dhe aksesorë.

Sipas një raporti nga TMZ të shtunën, Kim do të punojë në krijimin e rrogozave dhe tapetave të banjës, peshqirëve, tasave dhe madje edhe koshave të plehrave ndër të tjera, shkruan DailyMail.

Ajo gjithashtu thuhet se është e interesuar të bëjë qirinj dhe vajra aromatik, si dhe sende të tjera të banjos si enë sapuni dhe mbajtëse letre higjienike.

TMZ pretendoi se ekipi i Kimit ka paraqitur dokumente ligjore për t’u siguruar që të drejtat mbi emrin e markës janë mbyllur.

Sipërmarrja e saj më e re ndjek suksesin e saj me koleksionin e të brendshmëve ‘Skims’ dhe linjën e saj kozmetike ‘KKW Beauty’.

Sipas dokumenteve, Kim ka në plan të shesë produktet ‘KKW Skin’ në pikat e shitjes me pakicë që janë të mirënjohura për shitjen e produkteve të kujdesit të lëkurës dhe kozmetikës.

Ajo gjithashtu renditi shumë produkte të ndryshme që mund të bënte nën markën e saj të re: kremrat hidratues, kremrat, locionet, pastruesit e trupit dhe fytyrës, maskat e fytyrës, vajrat e fytyrës dhe trupit, e shumë të tjera.

Kjo lëvizje biznesi vjen pasi motra e saj e vogël Kylie Jenner zgjeroi fokusin e saj në kujdesin e lëkurës me lansimin e ‘Kylie Skin’ vitin e kaluar.

Kim për herë të parë bëri hyrjen e saj në kozmetikë në qershor të vitit 2017 me lansimin e ‘KKW Beauty’, si dhe linjën e saj të parfumeve ‘KKW Fragrance’, e cila u lansua në nëntor të të njëjtit vit.

‘KKW Beauty’ u bë një markë miliardë dollarëshe në qershor, pasi konglomerati kozmetik ‘Coty’ bleu 20 për qind të aksioneve në kompani për 200 milionë dollarë, që do të thotë që kompania vlerësohej me një miliard dollarë.

Motra e vogël e Kimit, Kylie Jenner gjithashtu mori një blerje masive nga ‘Coty’ për linjën e saj “Kylie Cosmetics”.

‘Coty’ bleu 51 për qind të markës së saj për 600 milionë dollarë, gjë që besohej se e bëri atë një miliardere derisa Revista “Forbes” korrigjoi vlerësimet e saj dhe pretendoi se atyre u ishin dërguar deklarimet e taksave të fryra.

Ndryshe nga çështja e Kyliet, Kim ende mban pjesën më të madhe të kompanisë së saj të kozmetikës.

Në qershor të vitit të kaluar, ylli njoftoi se po lansonte një linjë të produkteve me rroba nën emrin ‘Kimono’, e cila përmbante emrin e saj, por është gjithashtu emrin e një veshje tradicionale japoneze.

Pasi fansat e kritikuan përdorimin e emrit, të cilin ata e konsideruan shfrytëzues të kulturës japoneze, ajo ndryshoi emrin e kompanisë në ‘Skims’.