Kurti e mirëpret vendimin për vizat, për planin franko-gjerman thotë se s’i pëlqen gjithçka

Prishtinë | 30 Nën 2022 | 13:52 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryeministri Albin Kurti e ka mirëpritur vendimin që ka të bëjë me liberalizimin e vizave për Kosovën.

Sipas tij, kjo është një mirënjohje ndaj përkushtimit të Qeverisë Kurti për sundimin e ligjit, luftimin e korrupsionit, forcimit e kontrolleve kufitare dhe menaxhimin e migracionit.

Ai po ashtu e ka falënderuar Presidencën Çeke të Këshillit të Bashkimit Evropian.

Kurti, ka thënë se propozimi i BE-së me mbështetjen e Francës, Gjermanisë dhe ShBA-së, nuk është merre ose leje.

Gjatë interpelancës në Kuvendin e Kosovës, ai tha se dokumentin e ka konsideruar bazë të mirë për të diskutuar mbi të, dhe se nuk i ka pëlqyer gjithçka aty.

“Propozimi i BE-së me mbështetjen e Francës, Gjermanisë dhe ShBA-së nuk është merre ose leje, e kam konsideruar bazë të mirë për të diskutuar mbi të, por nuk është merre ose leje. Nuk më pëlqen mua gjithçka aty, ka shumëçka që duhet të diskutohet, ama ajo që nuk e kam pranuar asnjëherë gjatë këtij procesi me Serbinë është që nga 33 marrëveshjet e kaluara në Bruksel gjatë asaj dekade ta përzgjedhin si një tryezë suedeze pikërisht Asociacionin e komunave me shumicë serbe”.

“…në anën tjetër nga çfarëdo propozimi që bëhet në të ardhmen asgjë tjetër nuk ka rëndësi si Asociacioni i komunave me shumicë serbe, ky lloj përzgjedhje e dyfishtë nuk është e pranueshme nga ana ime”.

Të ngjashme