Kryeministri i vendit, Albin Kurti, i ka falënderuar nënshkruesit e letrës përmes së cilës i bëhet thirrje Bashkimit Evropian, Shteteve të Bashkuara të Amerikës dhe Britanisë së Madhe që të merren në mënyrë më kritike me presidentin serb Aleksandër Vuçiq.

Ndër tre emrat që ka veçuar Kurti në llogarinë e tij në Twitter, janë deputetja britanike Alicia Kearns, senatori amerikan Bob Mendez dhe anëtari i Bundestagut, Michael Roth, raporton Klan Kosova.

Kujtojmë se të dielën, politikanët kryesorë nga vende të ndryshme perëndimore i kanë bërë thirrje Bashkimit Evropian, SHBA-së dhe Britanisë së Madhe që të merren më në mënyrë kritike me presidentin serb Aleksandër Vuçiq.