Kryeministri Albin Kurti ka uruar 115-vjetorin e Kongresit të Manastirit për të gjithë shqiptarët.

Ai, me anë të një postimi në rrjetin social Facebook, ka deklaruar se sot janë bërë 115 vite nga dita kur u hodhën themelet e unifikimit të shqipes së shkruar.

“22 nëntori i vitit 1908 është data e seancës së fundit të mbledhjeve dhe të diskutimeve të Kongresit të Manastirit, që i kishte filluar punimet më 14 nëntor”.

“Qëllimi i këtij kongresi kombëtar shqiptar, ishte zgjidhja e problemit të të shkruarit të gjuhës shqipe, që gjatë shekullit të XIX dhe deri atë kohë, shkruhej njëkohësisht me disa alfabete dhe variante të ndryshme”.

“Urime 115 vjetori i Kongresit të Manastirit, të gjithë shqiptarëve dhe të gjithë atyre që e shkruajnë shqipen dhe e kultivojnë shqipen e shkruar!”, ka thënë Kurti./Klankosova.tv