Roberto Mancini ka konfirmuar se do të bëjë disa eksperimente taktike në ndeshjen e Italisë kundër Austrisë nesër teksa ka thënë se Argjentina do ta fitojë Botërorin e Katarit, edhe pse Azzurri dhe tifozët e tyre “po vazhdojnë të vuajnë” pasi që nuk marrin pjesë në këtë turne

Ndeshja miqësore në mes të Italisë dhe Austrisë do të luhet menjëherë pas ndeshjes hapëse të Botërorit ku luhet ndeshja Katar-Ekuador.

Kjo miqësore nuk është një ndeshje stërvitore por Azzurri, pasi që ata do ta luajnë ndeshjen e fundit për vitin 2022 para se të fillojnë një pushim të gjatë.

“Ky është një test i mirë, sidomos për lojtarët e rinj. Ne do të shohim nëse do ta përmirësohemi ashtu si bëmë në Tiranë, pasi që do të jetë një ndeshje më e vështirë për t’u fituar së sa ajo e Shqipërisë”, tha Mancini në konferencën e tij për shtyp”.

“Në fund të fundit, Austria ishte ndeshja jonë më e vështirë në kampionatin europian”.

Ndeshja e 1/8-ës së finales shkoi në shtesa dhe ishte ky kalim që bëri që ata ta fitojnë trofeun në Wembley.

“Ishte përballja e parë në një eliminim direkt, ata kanë lojtarë shumë të mirë të cilët luajnë më së shumti në Bundesligën gjermane dhe janë të mësuar me ndeshjet me tempo të lartë loje. Edhe pse ne vuajtëm, ne e merituam fitoren atë ditë”.

“Austria ka edhe disa lojtarë të Serie A, më i njohuri Marko Arnautovic, i cili është njëri prej talenteve më të mirë në 15 vitet e fundit. Skuadra është agresive, garuese dhe ka lojtarë më të vërtetë të mirë”.

Italia ende po mundohet të mbahet pasi që nga fitues të Euro 2020 ata dështuar të kualifikohen në Botërorin, Katari 2022.

“Ne treguam menjëherë dëshirën që të fitojmë, duke e fituar grupin e Ligës së Kombeve që pa dyshim nuk ishte lehtë të jemi para Gjermanisë, Hungarisë dhe Anglisë. Fatkeqësisht, ne do të vuajmë deri në mes të dhjetorit kur përfundon ky turne. Herën tjetër, duhet të jemi më të saktë”.

Mancini është pyetur se kush mendon ai që do ta fitojë Botërorin e Katarit?

“Ka shumë Kombëtare të fuqishme. Nëse me duhet ta zgjidh një, unë besoj Argjentina, ata më të vërtetë janë të mirë kur luajnë më njëri tjetrin.