Ministria e Administrimit të Pushtetit Lokal mbështet Komunën e Pejës në financimin e projektit “Asfaltimi i rrugës Gorazhdec-Grabovc dhe asaj në Zllapek, rrugë këto që përfshijnë edhe lagje egjiptiane dhe boshnjake ” në komunën e Pejës

Zëvendësministri i Ministrisë së Administrimit të Pushtetit Lokal, Bajram Gecaj dhe Kryetari i Komunës së Pejës, Gazmend Muhaxheri kanë nënshkruar marrëveshje mirëkuptimi për realizmin e projektit “Asfaltimi i rrugës Gorazhdec-Grabovc dhe asaj në Zllapek, rrugë këto që përfshijnë edhe lagje egjiptiane dhe boshnjake” në komunën e Pejës.

Nënshkrimi e marrëveshjes më komunën e Pejës u realizua në kuadër të mbështetjes financiare të MAPL-së për financimin e projekteve kapitale me interes për komunat dhe qytetarët.

Nënshkrimi i marrëveshjeve të mirëkuptimit do të vazhdojë edhe komunat tjera të Kosovës, ndërsa, deri tani janë nënshkruar marrëveshje mirëkuptimi me komunat Gjakovë, Obiliq, Lipjan, Viti, Skenderaj, Istog, Hani i Elezit, Deçan, Mitrovicë, Vushtrri, Drenas, Fushë Kosovë dhe Kaçanik.