Maskat plastike janë pothuajse plotësisht joefektivë në mbajtjen e aerosoleve të frymëmarrjes, thonë shkencëtarët japonezë, të cilët dyshojnë në efektivitetin e tyre në parandalimin e përhapjes së coronavirusit.

Një simulim duke përdorur Fugaku, superkompjuterin më të shpejtë në botë, zbuloi se pothuajse 100 për qind e pikave më të vogla se 5 mikrometra “shpëtuan” në ajër, shkruan Guardian.

Një mikrometër është një e milionta pjesë e metrit. Rreth gjysma e pikave më të mëdha të 50 mikrometrave ishin në ajër, sipas Riken, një institut hulumtimi qeveritar në qytetin perëndimor të Kobes.

Shkencëtarët në Britani kanë kritikuar qeverinë për theksimin e rëndësisë së larjes së duarve, ndërsa nënvlerësojnë transmetimin e aerosolit, një faktor i theksuar nga autoritetet japoneze në këshillat e shëndetit publik gjatë gjithë pandemisë, transmeton Telegrafi.

Ndërsa disa vende janë përpjekur të hapin ekonomitë e tyre, vizoret janë bërë të zakonshme në sektorët ku vihet në dukje kontakti publik, siç janë dyqanet dhe sallonet e bukurisë.

Makoto Tsubokura, udhëheqës i ekipit nga Riken Computing Center, paralajmëroi se mbajtja e një vizore nuk është një alternativë ndaj maskave.

“Për fat të keq, sipas rezultateve të studimit, efektiviteti i vizorit në parandalimin e përhapjes së pikave nga goja e një personi të infektuar është e kufizuar në krahasim me maskat”, tha Tsubokura.

Ai gjithashtu tha se grimcat e aerosolit u gjetën duke kaluar nëpër hapësirën midis fytyrës dhe vizorit.