Në Qendrat Komunale të Numërimit (QKN) po vazhdon numërimi i votave të kandidatëve për deputetë, kur deri më tani janë numëruar mbi 90% e të gjitha votave të vendit.
Nga ky rezultat del që kandidati për kryeministër nga radhët e Lëvizjes Vetëvendosje, Albin Kurti, ka marrë plot 216 mijë e 382 vota.

Në raport me rezultatet preliminare të zgjedhjeve të 7 qershorit, ku LVV ka rrëmbyer 299.453 vota, del që 83 mijë e 71 qytetarë nuk e votuan e numrin 1 të partisë.

Nga rezultati i deritanishëm i numërimit të votave dhe bazuar në rezultatet preliminare, VV ka siguruar 48 mandate në Kuvendin e Kosovës.

Nga ky numër, disa emra të rinj që po kandidojnë për herë të parë për të përfaqësuar popullin, kanë mundësi të zënë vend në Parlament.