Shpat Kasapi u bë baba për herë të parë në fillim të këtij viti. Partnerja e tij, Sejvije Jao solli në jetë një djalë, të cilin e pagëzuan me emrin Roel. Selvija, e cila ndan shumë momente me vogëlushin në rrjete sociale, ka zbuluar së fundmi problemet që ka pasur gjatë shtatzënisë.

Në një intervistë virtuale që ka zhvilluar me ndjekësit në Instagram, Selvije ka rrëfyer se shtatzënia nuk ka qenë e lehtë për të.

Kjo deklaratë erdhi pasi njëri prej ndjekësve e ka pyetur atë nëse po mendojnë për të pasur një fëmijë të dytë.

“Kam pasur një shtatzëni me të gjitha komplikacionet e mundshme dhe ende më ka mbetur si traumë e gjithë ajo periudhë. Nuk mund të të jap këtë përgjigje tani. Mundohem ta marr vetën fizikisht dhe psikologjikisht,” është shprehur Jao.