Kancelarja gjermane Angela Merkel do të takohet më herët sesa ishte planifikuar me 16 udhëheqësit rajonalë të vendit për të diskutuar rritjen e kufizimeve të koronavirusit, njoftoi të premten zëdhënësi i Merkel Steffen Seibert, ndërsa virusi mbizotëron në të gjithë vendin.

“Rastet e reja të infeksionit janë shumë të larta “, tha Seibert, duke shtuar se Gjermania është në gatishmëri të lartë për mutacione të reja, më ngjitëse të virusit.

“Qeveria gjermane po i vëzhgon këto zhvillime me shumë kujdes dhe po e sheh këtë seriozisht,” shtoi ai, raporton CNN.

Merkel pati vendosur të takohej me udhëheqësit rajonalë më 25 janar. Gjermania të premten tejkaloi shifrën e 2 milionë rasteve me koronavirus pasi iu shtuan 22,368 infeksione të reja me këtë virus brenda 24 orësh, duke e çuar numrin e përgjithshëm të infeksioneve të raportuara në 2,000,958, njoftoi  Instituti Robert Koch (RKI).