Ish-banori i Big Brother VIP Kosova, Klodian Mihaj, ka ndarë një histori prekëse të familjes së tij, e cila u detyrua të largohej nga Shqipëria në kërkim të një jete më të mirë.

Përmes një shkrimi të gjatë në Instagram, ai ka rrëfyer se është rritur duke parë nga afër çmimin e mërgimit, teksa ka shprehur mbështetjen e tij për studentët.

Reagimi i Klodit vjen në një kohë kur dhjetëra mijëra studentë po protestojnë në Tiranë, në shenjë revolte ndaj kushteve me të cilat po përballen.

Ai gjithashtu potencoi se edhe pak 20 vjetësh, brezi i ri po përballet me të njëjtat probleme me të cilat u ballafaqua familja e tij.

“Familja jeme u largue nga Shqipnia ne vitin 2001. Nuk iken per luks apo per aventura, por sepse vendi qe donin nuk u ofronte as minimumin per te jetuar me dinjitet: nji pune te ndershme, nji shans te barabarte dhe nji te ardhme te sigurt per ne femijet e tyne. Jam rritur duke pare me syt e mi çmimin e gurbetit, mundin per te filluar çdo gja nga e para dhe dhimbjen e familjeve qe lan pas”, ka shkruar Klodi.

“Sot, pas kaq shume vitesh, po perpiqem hap mbas hapi te rilidhem me token teme, gja qe nuk asht aspak e lehte, te kuptoj rranjet dhe te ndertoj nji ure mes jetes jashte dhe Shqipnise. Por sa me shume afrohem, aq me thelle me prek realiteti qe gjej ktu. Me thyhet zemra kur shof se hallet me te cilat u perballen prinderit e mi mbi 20 vjet ma pare, jane po ato qe po mbysin brezin e ri sot”, potencoi ish-banori i Big Brother VIP Kosova.

“T’rinjte duan te studiojne, duan te punojne dhe te ngrejne diçka me forcat e veta SEPSE ESHTE E DREJTA E TYRE”.

“Por si mund te vazhdosh perpara kur rroga nuk te del as per buken e gojes? Kur nuk ushqen dot femijet tu? Kur nese ke nevoje per ndihme shendetsore duhet te paguash shuma te tmerrshme? Kur kushtet nuk ekzistojne? Me dhemb shpirti per keta studente dhe per prinderit e tyne, qe sakrifikojne kafshaten per t’i shkolluar, e ne fund e gjejne veten perballe te njajtit ankth: a duhet t’i shikojne femijet e tyne duke marre rruget e botes? A duhet te dorzohen? A duhet te luftojne?”.

“Largimi nga atdheu duhet te jete nji vendim i lire, jo e vetmja shprese per nje jete me dinjitet. Dhe zgjedhja per te qendruar ktu nuk duhet te kthehet ne varrosje te andrrave te secilit. Zani i ketyre te rinjve meriton te degjohet!”.

“Jam plotesisht ne krah te studenteve dhe te drejtes se tyne per te kerkuar nje jete te drejte. Ata meritojne te kene vend per andrrat e tyne pikerisht ne vendin qe duan”.