Kishte zero vdekje të regjistruara nga COVID-19 në pjesë të mëdha të Mbretërisë së Bashkuar, gjatë prillit, sipas një analize të BBC-së, transmeton Klan Kosova.

Rreth 22 milionë njerëz jetojnë në zona të cilat nuk raportuan ndonjë vdekje, krahasuar me vetëm 50,000 njerëz në kulmin e janarit.

Më pak se 600 vdekje brenda 28 ditëve nga një test pozitiv janë raportuar deri më tani këtë muaj, krahasuar me më shumë se 30,000 në katër javët e para të janarit.

“Ky është me të vërtetë një lajm i mirë”, tha Dr Mike Tildesley, një ekspert në përhapjen e sëmundjeve infektive.

“Është një shenjë vërtetë e mirë dhe ne kemi parë disa pjesë të vendit ku përhapja është me të vërtetë e ulët. Kështu që, mendoj se na jep besim”.