Ministri i Infrastrukturës, Liburn Aliu, të premten ka vizituar Leposaviqin. Pas përpjekjeve për ta vizituar në objekt komunal kryetarin Lulzim Hetemi, KFOR-i e ka anuluar këtë vizitë. Këtë të premte në këtë komunë shkoi ministri i Infrastrukturës, Liburn Aliu.

Andaj për vizitën e tij te Lulzim Hetemi, siç mësoi T7, Njësia Speciale e nisi menjëherë planin.

E duket se tensionimi i mundshëm i situatës nga protestuesit që u mblodhën, ndikoi që të planifikohej kamuflimi i ministrit.

Koordinimi nisi menjëherë edhe me komandantin e KFOR-it.

Planin se si do e dërgonin pa e kuptuar protestuesit, po e shikonte nga afër edhe vet ministri Aliu.

Pas saj, komandantit të KFOR-it iu deshën disa minuta të fliste me pjesëtarët tjerë të pozicionuar para objektit komunal.

Autoblindat u bën gati.

E krejt planin për vizitën e tij në komunën e Leposaviqit e anuloi komandanti i KFOR-it.

Siç mëson televizioni, për shkak të ruajtës së qetësisë, zyrtarët kthyen ministrin prapa.