Zëdhënësi i Ministrisë së Shëndetësisë, Faik Hoti ka folur për procesin e sigurimit të vaksinave antiCOVID.

Hoti për RTV Dukagjinin thotë se në këtë proces Kosova është duke bashkëpunuar me COVAX në mënyrë që të jemi të barabartë me shtetet e forta.

“Ne zyrtarisht kemi aplikuar për vaksinë me 7 dhjetor. Së pari jemi duke punuar për të siguruar infrastrukturën teknike në mënyrë që vaksinat të jenë të sigurta dhe të mundësohet një shpërndarje e sigurt. Ne po pretendojmë që vaksinat të sigurojmë të tremujorin e parë të vitit 2021 dhe do të ishte shumë mirë që vaksinat të sigurohen në mars. Kjo nuk do të thotë se nëse kemi mundësi të kemi furnizim nga rrugë tjera alternative”

Zëdhënësi i Ministrisë së Shëndetësisë ka folur edhe për fillimin e vaksinimit në Serbi.