Moti në ditët e ardhshme, i vranët me riga shiu

Instituti Hidrometeorologjik i Kosovës ka njoftuar se vendi ynë do të vazhdoj të mbaj kushte për mot të vranët dhe me intervale me diell. Vranësirat gjatë orëve të pasditës vende-vende do të shoqërohen me riga shiu, derisa në visat malore priten edhe fjolla të dobëta bore.

Temperaturat minimale parashihen të lëvizin ndërmjet 1-3 gradë Celsius, ndërsa maksimalet e ditës parashihen të lëvizin ndërmjet 13-17 gradë Celsius.

Nga dita e premte, e tutje, sërish moti do të jetë mbi 20 gradë Celsius.