MPJ: Nuk ka masa reciprociteti me Bosnjën

Prishtinë | 25 Nën 2016 | 15:50 | Nga

Ministria e Punëve të Jashtme ka thënë se nuk ka reciprocitet me Bosnjën dhe Hercegovinën, veturat me ato targa mund të hyjnë në Kosovë.

“Ministria e Punëve të Jashtme e Republikës së Kosovës informon të gjithë qytetarët se nuk do të ketë asnjë pengesë në qarkullimin e lirë të veturave me targa të regjistrimit të Bosnjë Hercegovinës dhe si rrjedhojë ato lejohen të hyjnë në Kosovë”, thuhet në njoftimin e MPJ-së

“Ministria e Punëve të Jashtme shpreh keqardhjen për vonesat dhe pengesat e ndodhura mbrëmë”.

Ky reagim i ministrisë ka ardhur pasi dje disa qytetarë të Kosovës kanë mbetur me orë të tëra në Merdare dhe nuk janë lejuar të kalojnë kufirin e Kosovës me targa të Bosnjës.

Dje është raportuar se Kosova ka ndërmarr një masë reciprociteti ndaj Bosnjës dhe që me targa të Kosovës nuk mund të kalohet në atë shtet.

Fjalë Kryesore:

Të ngjashme