PONDER është programi më i ri i UNICEF Innovations Lab Kosovo, në partneritet me OJQ PEN dhe Misionin e OSBE-së në Kosovë.

Është program joformal i edukimit, i cili ka për qëllim përmirësimin e aftësive të mendimit kritik, duke u përqendruar në shkrim-leximin kritik medial.

Punëtoria PONDER treditore do t’ua mundësojë pjesëmarrësve të përmirësojnë aftësitë e mendimit kritik, shkrimit dhe leximit, të kuptuarit dhe sfidimin e informatave subjektive.

Përpos kësaj, pjesëmarrësit e punëtorisë PONDER do të kenë mundësi eksperimentale të punës praktike në media dhe institucione siç janë: TV stacionet, radio stacionet, portalet elektronike, gazetat etj. Një nga partnerët medialë është dhe Ekonomia Online.

Gara “Kritikët e Rinj” është një pjesë tjetër e bukur e programit PONDER, ku do të shpërblehen artikujt dhe/ose xhirimet më të mira të pjesëmarrësve të cilat paraprakisht do të publikohen në media.

Pse të angazhoheni në PONDER?

• Përmirësim i të menduarit kritik
• Përmirësim i aftësive për të kuptuar mediet
• Rrjetëzimi me kritikë të rinj
• Krijimi i raporteve me media
• Shkrimi dhe kritika e produkteve mediale
• Pranimi i mentorimit dhe mbikëqyrjes së vazhdueshme
• Certifikim

KUSH MUND TË APLIKOJ

• Mund të aplikoni individualisht apo si grup i dy apo tre anëtarëve
  • Kur të plotësoni aplikacionin, shënoni informatat e kërkuara për secilin anëtarë të ekipit
  • Secili anëtarë duhet të jetë i pajisur me letërnjoftim kosovar apo certifikatë të lindjes
  • Mosha e anëtarëve duhet të jetë prej 14 deri 21.

Për më shumë informata kontaktoni përmes e-mailit [email protected] ose përmes numrit të telefonit 044 362 506.