Italia ka raportuar të hënën për 602 njerëz të vdekur nga Coronavirusi.

Kjo shifër e çon në 6,078 numrin e viktimave në Itali, por, në të njëjtën kohë, tregon se numri i të vdekurve ka rënë për të dytën ditë me radhë.

Të dielën, autoritetet italiane kanë raportuar për 651 të vdekur.

Italia është vendi i goditur më së keqi në Evropë nga koronavirusi, me afro 70,000 njerëz të infektuar.

Javën e kaluar, ajo e ka kaluar Kinën – vendin e origjinës së koronavirusit – me numrin e viktimave.

Aktualisht, Kina ka 3,153 viktima.