Me rastin e tremujorit të vrasjes së Oliver Ivanoviqit sot në dy qytete të Kosovës dhe në tri qytete të Serbisë kanë gdhirë grafite me portretin e tij dhe me mbishkrimin Oliver, transmeton Koha.net.

Grafitet në Kosovë janë vërejtur në Prishtinë e Mitrovicë, ndërsa në Serbi në Nish, Krushevc dhe Kralevë, përcjell n1.

Garfite janë vendosur në mure, trotuare dhe institucione.

Iniciativa Qytetare SDP ka përkujtuar se kanë kaluar tre muaj nga vrasja e liderit të  saj dhe se hetimet nuk kanë dhënë asnjë rezultat. Kjo iniciativë nesër do të fillojë aksionin që zona për këmbësorë në rrugën Sutjeska, ku është vrarë ai, në të cilën është vrarë Ivanoviq, të marrë emrin e tij.