“Voice of Roma, Ashkali and Egyptians” përmes njoftimit prezanton lansimin e garës për çmimin e BE-së për Integrimin e Romëve në Ballkanin Perëndimorë dhe në Turqi “ Unknown Hero”, i cili u dedikohet grave rome, ashkali dhe egjiptiane aktiviste të cilat kanë sjellë ndryshime të rëndësishme në komunitetet e tyre apo gratë e këtyre tri komuniteteve të cilat janë pjesë e shoqërisë civile dhe të cilat kanë kontribuar në mënyrë të vazhdueshme për integrimin e komuniteteve në shoqëri.

VORAE bën të ditur se çmimi është i hapur për aplikime individuale dhe nominime nga një grup relevant i individëve, organizatave ndërkombëtare, organizatave të shoqërisë civile dhe autoriteteve publike.

Sipas njoftimit, është shumë e rëndësishme të theksohet se një person nuk mund të nominohet dy herë nga institucione të ndryshme apo të nominohet dhe të aplikojë individualisht.

Fituesit e çmimeve (vendi i parë dhe i dytë) do të marrin çmimin financiar dhe do të kenë mundësinë të marrin pjesë në vizitën studimore në Institucionet Evropiane në Bruksel, Belgjikë, me rastin e Javës së Romëve që do të mbahet nga data 18-21 Mars, 2019. Afati i fundit për aplikim është 15 shkurt 23:59 me kohë të Brukselit.

Çmimi financohet nga Bashkimi Evropian (Fondet IPA) dhe implementohet nga Roma Active Albania (RAA).

Këtu e keni linkun për nominim:

Këtu e keni linkun për aplikim Individual