Kryetari i Partisë Demokratike të Kosovës (PDK), Kadri Veseli në 22 vjetorin e Epopesë së Ushtrisë Çlirimtare të Kosovës, ka bërë homazhe në kompleksin memorial të Jashrajve, shkruan Ekonomia Online.
Nëpërmjet një postimi në Facebook, ka thënë se Prekazi është referenca e çdo edukimi patriotik dhe Ushtria Çlirimtare e Kosovës është vlera historike që i flet secilës gjeneratë
“Për nderime në Prekaz, në 22 vjetorin e Epopesë së UÇK-së. Flijimin për lirinë dhe të ardhmen e Kosovës më së qarti e tregon sakrifica e Familjes Jashari. Prekazi është referenca jonë e çdo edukimi patriotik dhe Ushtria Çlirimtare e Kosovës është vlera historike që i flet secilës gjeneratë. Lavdi e përjetshme për të gjithë të rënët e lirisë. “, ka shkruar Veseli.