Votimi përmes postës për zgjedhjet e jashtëzakonshme të 6 tetorit do të përfundoj nesër.

Sipas KQZ-së, fletëvotimet duhet të pranohen nga ata më së largu deri më 5 tetor 2019.

Ky votim ka filluar nga data 19 shtator, transmeton Klan Kosova.

Kujtojmë se nga 40 mijë e 313 aplikacione për të votuar përmes postës që janë pranuar dhe proceduar në KQZ, janë aprovuar 35 mijë e 87 aplikacione, ndërsa janë refuzuar 5 mijë e 226 aplikacione për shkak të mosplotësimit të kritereve të përcaktuara me ligj.