Çifti Donald Veshaj e Beatrix Ramosaj kanë qenë më të komentuarit gjatë këtyre muajve të fundit në media rozë e rrjete sociale, por siç duket tani gjithçka ka marrë fund mes tyre.

Këngëtarja kosovare e ka hequr nga lista e ndjekësve aktorin mëngjesin e sotëm, pasi mbrëmë ishte zhvilluar një festë me të gjithë ish-banorët, bashkëpunëtorët dhe stafin e “Big Brother VIP” të cilën kanë punuar gjatë këtyre katër muajve.

Burime të portalit “News31” bënë me dije se çifti, Donald Veshaj dhe këngëtarja kosovare, Beatrix Ramosaj nuk komunikuan fare me njëri-tjetrin.

Lidhur me këtë situatë, nëna e Beatrixës dhe vëllai kanë publikuar nga një fotografi në rrjetin social “Instagram” duke përdorur frazën e Lori Hoxhës për ish të dashurën e Donaldit, Borën gjatë takimit që kishin pasur në javën e parë të këtij formati.

“Mirmengjesi vetëm Trixës”, ishte mbishkrimi i vëllait dhe nënës së Beatrixës, por jo vetëm kaq, Albani ka hequr nga lista e ndjekësve aktorin kështu duke mos mbajtur ndonjë raport më me të.

Pas refuzimit që të takonte Donaldin në darkën e organizuar me ish-banorët javën e kaluar, gjatë të premtes në finale Beatrixa befasoi të dashurin duke i kënduar një këngë në një ambient romantik në oborrin e shtëpisë.

Beatrix ka postuar edhe një fotografi tjetër në rrjetin social “Instagram”, ku ka shkruar “No FAKE STORIES” ndërsa fjalës “NO” i ka vënë ‘X’ kështu duke konfirmuar se dyshja kanë ndarë rrugët dhe gjithçka ishte gënjeshtër sipas saj.