Në 10 vjet, presidenti Trump humbi 1.2 miliard dollarë nga bizneset e tij

Prishtinë | 09 Maj 2019 | 09:49 | Nga Ekonomia Online

Bizneset e presidentit amerikan, Donald Trump, humbën më shumë se 1 miliard dollarë brenda një dekade duke nisur nga viti 1985.

Në bazë të transkripteve të siguruara nga gazeta prestigjioze “New York Times”, humbjet në fillimvitet 90 arritën mbi 250 milionë dollarë.

Këto deficite të mëdha ndihmuan magnatin e hoteleve, kazinove dhe pasurive imobiliare që të shmangë taksat për 10 vite më radhë.

Kreu i Shtëpisë së Bardhë vazhdimisht e ka etiketuar veten e tij si një miliarder dhe negociator i klasit të parë që ka korrur sukses vetëm falë forcave të veta.

Raporti i Times ofron një paraqitje të rrallë në një histori tatimore që Trump ka luftuar mjaft dëshpërimisht për të mbajtur jashtë syrit publik, shkruan javanews.al.

Transkriptet fillojnë në vitin 1985, kur Trump u rendit në Forbes si një nga njerëzit më të pasur në Amerikë me një vlerë neto të vlerësuar prej 600 milionë dollarë.

Ishte hera e parë që Trump u shfaq në listë nga i ati i tij Fred Trump.

Rivalët e tij demokratë prej vitesh kërkojnë që Trump t’i bëjë publike të ardhurat personale dhe të bizneseve të tij, pasi druhen se mund të ketë konflikte interesi ose ka shmangur taksat përmes skemave të dyshimta të falimentit.

Një kërkesë e tillë i është drejtuar edhe ministrisë vendëse të financave, por këtë javë kreut i dikasterit, Stiven Menuçin, u përgjigj se nuk shihte arsye ligjore për kërkesën e demokratëve.

Vetë presidenti amerikan ka theksuar se bizneset e tij po analizohen nga kontrollorët financiarë ndaj nuk mund të publikohen.

Ndërkaq, prej zgjedhjes së tij në zyrën më të lartë të shtetit amerikan, të gjitha bizneset e organizatës Trump, me një qarkullim vjetor rreth 10 miliardë dollarë, i kanë kaluar djemve të tij.

Fjalë Kryesore:

Të ngjashme