Kryeministri izraelit Benjamin Netanyahu, tha se Autoriteti Palestinez nuk do të udhëheqë Gazën, pas “eliminimit të Hamasit”.

“Për sa kohë që unë jam kryeministër i Izraelit, kjo nuk do të ndodhë”, shkroi ai në një postim në X.

Postimi i tij përfshin një pamje të një raporti që thotë se presidenti palestinez Mahmoud Abbas është gati të pranojë kontrollin e Rripit të Gazës, raporton Al Jazeera, transmeton Klankosova.tv.

“Ata që edukojnë fëmijët e tyre për terrorizëm, financojnë terrorizmin dhe mbështesin familjet terroriste, nuk do të jenë në gjendje të sundojnë Gazën pas eliminimit të Hamasit”, theksoi Netanyahu.