Nisma Socialdemokrate përmes një video të postuar në Facebook, ka shkruar se Ligji për statusin e punëtorëve të arsimit shqip, u bë i zbatueshëm falë angazhimit të Ministrit të Arsimit, Shkëncës dhe Teknologjisë, Shyqiri Bytyqit.
Sipas kësaj partie fillimi i mandatit të tyre ata janë zotuar dhe angazhuar maksimalisht që Ligji për Statusin e punëtorëve të arsimit shqip të Republikës së Kosovës nga viti shkollor 1990/99, të miratohet në Kuvend.
Postimi i plotë dhe video:
Që nga dita kur kemi marrë përgjegjësinë për të drejtuar Ministrinë e Arsimit, jemi zotuar dhe angazhuar maksimalisht që Ligji për Statusin e punëtorëve të arsimit shqip të Republikës së Kosovës nga viti shkollor 1990/99, të miratohet në Kuvend.
Mësimdhënësit që parandaluan zhbërjen tonë kulturore dhe kryefamiljarët që lëshuan objektet për shtëpi-shkolla, do të mbeten përherë pjesë e historisë më të lavdishme të popullit shqiptar.