Mbrëmë rreth orës 24:00 një person është plagosur me armë zjarri në qytetin e Podujevës. Lajmin e ka konfirmuar policia e Kosovës derisa ka bërë të ditur se rasti është konstatuar se ka të bëj me vrasje në tentativë.

Komunikata e plotë e Policisë Kosovës:

Mbrëmë rreth orës 24:00, policia ka marrë informacionin se në rrugën “Hakif Zejnullahu” në Podujevë, ka pasur të shtëna me armë zjarri.

Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes.

Me të dalë në vendin e ngjarjes policia ka konstatuar se ka të bëj me vrasje në tentativë ku nga arma e zjarrit ka marrë plagë viktima:

Xh mashkull, 40 vjeç, shtetas i Republikës së Kosovës, i cili menjëherë është dërguar në QKUK për trajtim mjekësor. Ndërkohë që personi që dyshohet të jetë i përfshirë në këtë rast është identifikuar dhe po kërkohet nga policia.