Derisa në Kuvendin e Maqedonisë pasdite deputetët e VMRO-DPMNE-së po merren vesh, ndërtesa e shtëpisë ligjvënëse është nën masën e rreptë të sigurisë, me forca të shtuara policore, kurse në parkingun e Shtëpisë së Armatës janë edhe afër 50 pjesëtarë të Njësisë për Intervenim të Shpejtë , të armatosur me armë automatike, helmeta dhe mburoja.

Në parking ka edhe dy autoblinda, dhjetëra “Rover Land”, si dhe automjete tjera të policisë. Në pjesën e përparme të Kuvendit, përveç ekipeve të gazetarëve dhe mburojave për protestuesit,prania e policisë është pak e dukshme.