Kryeministri i Shqipërisë Edi Rama, uroi sot Krishtlindjen duke sjellë në vëmendje festën e fëmijëve, dhe solidaritetin e treguar prej bashkëmoshatarëve të tyre me jetimët dhe fëmijët me aftësi të kufizuara.

“Nuk festoj pa ty”, titullohet video e prodhuar nga Qendra Kombëtare Kulturore e Fëmijëve dhe Ministria e Kulturës, me anë të së cilës kryeministri uroi mirëmëngjes dhe Krishtlindje të gëzuar për gjithë shqiptarët.

Fëmijët e Qendrës Kombëtare Kulturore të Fëmijëve kanë vizituar disa institucione të përkujdesit social, si në Shtëpinë e Fëmijës “Zyber Hallulli”apo në Institutin e Fëmijëve që nuk shikojnë për t’i marrë edhe ata në festën e Krishtlindjes.

“Nuk ka fëmijë që munden dhe që nuk munden. Ka thjesht fëmijë”, është mesazhi i kësaj kënge fëmijërore me anë të së cilës kryeministri Edi Rama ka përcjellë për gjithë shqiptarët urimin e tij për Krishtlindje të gëzuar.

https://www.facebook.com/edirama.al/videos/1987560271322715/?t=0