Pas situatës së krijuar lidhur me përfaqësimin e avokatëve me ID- kartela të cilave u ka skaduar afati i përdorimit më datë 31.12.2019 dhe rrjedhimisht nuk janë të vlefshme, Oda e Avokatëve të Kosovës ka njoftuar se  më datë 31 dhjetor 2019, u ka dërguar njoftim/email të gjithë Avokatëve të Republikës së Kosovës,  duke i njoftuar që ID Kartelat janë të gatshme dhe pajisja me to do të bëhet nga data 3 janar 2020.

Njoftimin e dërguar e gjeni të poshtëshënuar:

I. “Te nderuar avokate, Pajisja me ID – Kartela per vitin 2020 do te behet duke filluar nga data 03.01.2020. Pajisja me afatore dhe kalendare per vitin 2020 do te behet duke filluar nga data 08.01.2020. OAK ju uron festat e fundvitit dhe ju deshiron nje vit te mbare, vitin 2020. Sipas vendimit te Keshillit Drejtues Avokatet e Regjioneve do te pajisen ne Deget e tyre Regjionale, ndersa avokatet e Prishtines ne zyret e OAK. Merespekt, Oda e Avokateve te Kosoves”

II.

Gjithashtu me datë 10.01.2020 OAK ka RINJOFTUAR avokatet si ne vijim:

“Të nderuar avokatë,
Siç ju kemi njoftuar OAK është pajisur me ID kartela dhe Afatore për ju, dhe rrjedhimisht sa për të ju përkujtuar se institucionet e sistemit të drejtësisë, po ashtu edhe Policia dhe Qendrat e Paraburgimit do të ju lejojnë  përfaqësimin/vizitat me ID kartela të vitit paraprak deri me  15 janar 2020.
Për të mos hasur në vështërsi në ushtrimin e punës tuaj, ju lutem pajisuni me ID kartela të reja, duke ju përkujtuar se pagesa e anëtarësisë është ajo që ka qenë.
OAK ju uron punë të mbarë!
Me respekt,
Oda e Avokatëve të Kosovës”

Për informimin tuaj, ID – Kartelat janë valide nga 01 Janar- deri në 31 Dhjetor të çdo viti. Të njëjtat ripërtërihen, për vitin pasues ku avokatët paguajnë anëtarësinë vjetore dhe paisen me ID-në për vitin vijues. ID kartelat që avokatët i kanë paraqitur dhe me të cilat nuk janë lejuar të përfaqësojnë,  janë të skaduara më datë 31 Dhjetor 2019 e që për të vërtetuar legjitimitetin e të qenurit avokat duhët të jenë të pajisur me ID- kartelen valide.

OAK, i  falënderon institucionet e sistemit të drejtësisë KGJK, KPK, Policinë dhe Qendrat Korrektuese për mirëkuptimin dhe konsideratën që kanë pasur dhe i kanë lejuar avokatët të prezantojnë pa ID kartela jo valide deri me datë 15 janar 2020.