Presidentja e vendit, Vjosa Osmani, bashkë me kryetarin e kuvendit, Glauk Konjufca, vizituan familjen Gërvalla në Dubovik, ku u priten nga ministrja e Jashtme dhe e bija e heroit Jusuf Gërvalla, Donika Gërvalla.

Osmani tha se në Dubovik ndëruan kujtimin për shenjat e shenjta, të cilat sipas saj, përbëjnë fillete luftës së Kosovës për çlirim kombëtar.

“Liria mbanë edhe emrat e Jusufit, Bardhoshit e Kadriut, kurse ne mbajmë të skalitur emrat e tyre jo vetëm në kujtesë, por edhe si referencë se si një jetë e tërë vihet në shërbim të atdheut”, u shpreh Osmani.

E para e shtetit tutje tha se Jusuf Gërvalla ishte jo vetëm zë i veçantë në letërsi, gazetari e muzikë, por mbi të gjitha, sipas saj, ishte zë i të vërtetës dhe lirisë.

“Ai lindi artist, veproi si patriot e vdiq si hero. Gërshetimi i këtyre tri tipareve e shndërroi Jusufin në një personalitet poliedrik, një ikonë të kohës, një patriot që ëndrrën për liri e projektoi herët”, shkroi Osmani.