Kandidati i LDK-së për kryetar të Fushë Kosovës, Besnik Osmani, vizitoi kompaninë Kosmonte Foods, në kuadër të fushatës për zgjedhjet e 12 tetorit. Ai u shpreh se u ndie i frymëzuar nga përkushtimi i tyre për inovacion, cilësi dhe qëndrueshmëri.

Postimi i plotë:
Kosmonte Foods nuk është vetëm një kompani ushqimore – është shembull i vizionit dhe i punës së palodhshme, duke sjellë produkte cilësore për qytetarët tanë dhe duke krijuar vende pune e zhvillim për vendin.
Në këtë ndërmarrje kanë gjetur punë shumë qytetarë të komunës sonë.
Në takimin me menaxhmentin dhe stafin e kompanisë u ndjeva i frymëzuar nga përkushtimi i tyre për inovacion, cilësi dhe qëndrueshmëri.
Fushë Kosova PËRTEJ!