OVL e UÇK-së: Bajram Rexhepi dha shumë për çështjen kombëtare

Kryesia e Organizatës së Veteranëve të Luftës së UÇK-së, ka shprehur ngushëllime për familjen Rexhepi pas vdekjes së ish kryeministrit Bajram Rexhepit.

“E nderuara familje Rexhepi!
Mbahuni e qëndroni të fortë në këto momente dhimbjeje që ndjeni për babain e juaj. Ai nuk ishte vetëm i Juaji por edhe i popullit sepse dihen kontributet e mëdha të tij, që dha për çështjen kombëtare. Lavdi jetës dhe veprës së tij”, thuhet në telegramin e ngushëllimit të OVL së UÇK-së.