Shefi i Grupit Parlamentar të PDK-së, Zenun Pajaziti ka arsyetuar kërkesën e deputetëve nënshkrues për të diskutuar për vdekjen e Astrit Deharit.

“Nuk është asnjëherë mirë që në parlament të debatohet për raste të tilla. Kohë më parë nga VV është kërkuar një debat të tillë. Por ne ishim të interesuar që t’i presim raportet”, ka thënë Pajaziti.

Ai i ka ftuar të gjithë të jenë sa më korrekt, të jenë sa më të bashkuar për trajtimin e këtij rasti të dijshëm.

“Ky rast meriton drejtësi dhe sa më pak duhet ta trajtojmë këtë rast politikisht”, ka deklaruar ai, duke shtuar se PDK është e gatshme për ta sqaruar deri në fund vdekjen e Deharit.