Pronari i kompanisë “Frutex” Shaqir Palushi, gjatë fjalës së tij tha se karnavali  ka për qëllim të kthej festën e vjetër pagane, për t’i ruajtur vlerat e vjetra dhe për t’i promovuar ato të reja.

Palushi tha se pjesëmarrja e madhe në karnavalin e parë që është organizuar ndonjëherë, i obligon ata që këtë karnaval ta organizojnë cdo vit, derisa shtoi se do t’i japin atij dimension ndërkombëtar, raporton Ekonomia Online.

Sipas tij qytetarët e Kosovës dhe vendeve të tjera tani kanë një arsye më shumë për ta vizituar komunën e Suharekës.

“Organizimi i karnavalit ka për qëllim kthimin e një feste të vjeter pagane për ti ruajtur vlerat e vjetra, por edhe për ti promovuar ato të reja. Kosovës i ka munguar një festë e tillë e cila organizohet nga shumë vende në botë dhe mendoj që suhareka e meriton të jetë nikoqire e saj. Prania juaj e madhe na obligon që këtë festë ta bëjmë të përhershme, të përvitshme dhe t’i japim dimension ndërkombëtar. Besoj që viteve të tjera do të ketë prani edhe të grupeve nga rajoni. Besoj që qytetarët jo vetëm të Kosovës do të kenë edhe një arsye me shume të vizitojnë suhareken. Ky karnaval sdo të mund të organizohëj pa mbështetjen e komunës, policisë së Kosovës, nxënësve”.

Ndërsa kryetari i Suharekës, Bali Muharremaj, ka deklaruar se ky karnaval i shton ngjyrat e qytetit.

Muharremaj ka thënë se kompanisë “Frutex” krahas punës se suksesshme të saj, nuk i mungon humaniteti dhe vullneti për të ndihmuar në cdo sferë.

Ai ka shtuar se komuna që ai udhëheq mbështet bizneset dhe qytetarët, derisa premtoi se do të rriten investimet për të shtuar numrin e këtyre organizimeve.

“Theranda mbështet një trekendësh jetik, komuna bizneset e qytetarët. Qytetit po i shtohen ngyrat më të mira me karnavalin Golden Eagle. Theranda ka biznëse të fuqishme prandaj jemi krenar dhe duhet të kemi një komunë që i shërben këtij vullneti. Kur punojmë hallall sic thotë populli dhe kur festojme na ka hije. Kompania Frutex me pronar Shaqir Palushin po bëjnë pune të suksesshmë dhe krahas kësaj nuk i mungon humaniteti dhe angazhimi për të ndihmuar në secilën sferë, e poashtu edhe me këtë organizim i shton ngjyrat e qytetit të Therandës. Ju premtoj se këto organizime do te rriten duke rritur investimet në komunën tonë”.

Në karnaval ka performuar edhe Orkestra frymore “Afrodita” nga Elbasani. Në këtë karnaval kane marrë pjesë edhe kryetari i aleancës së bizneseve, Agim Shahini dhe deputeti Salih Zyba.

LEXO EDHE:

http://cs13.temp.domains/~ekonomia/nacionale/293455/