Shefja e EULEX-it, Alexandra Papadopoulou, e ka pranuar se misioni që drejton ka dështuar t’i menaxhojë pritjet e qytetarëve.

Ajo ka thënë se do të duhej të ishin më të qartë rreth asaj se çka mund të arrijë Misioni Evropian për Sundim të Ligjit dhe asaj që kanë arritur.

Por, sipas Papadopoulout, kjo nuk do të thotë se kanë dështuar në punën e tyre. “Fakti se ne jemi ballafaquar me problemet është dëshmi se nuk kemi dështuar”.

Në një intervistë dhënë “Kohës Ditore”, Papadopolou ka folur edhe për pretendimet e ngritura nga ish-kreu i gjyqtarëve të EULEX-it, Malcolm Simmons.

Shefja e EULEX-it ka thënë se do të ndëshkohen të gjithë ata që kanë devijuar nga rregullat e misionit.