Ushtruesja e detyrës së presidentit, Vjosa Osmani ka marrë vendim që t’i pezullojë të gjitha konkurset në Zyrën e Presidentit të Kosovës.

Gazeta Blic e ka siguruar vendimin që e ka marrë sot Osmani, e ku ndër të tjera ndalohet edhe hapja e konkurseve të reja.

Në pikën e parë të vendimit thuhet se: “Pezullohen të gjitha konkurset aktive për rekrutim në kuadër të Zyrës së Presidentit të Republikës së Kosovës”.

“Ndalohet hapja e konkurseve të reja në kuadër të Zyrës së Presidentit të Republikës së Kosovës, deri në një vendim tjetër”, thuhet në pikën e dytë të vendimit.

Ndryshe, Osmani dje ka shkarkuar edhe katër konsuj të përgjithshëm, ndër ta edhe djalin e deputetit Haxhi Shala, që kishte nxitur reagime të shumta.